शिक्षण विभागाने शाळा सुरू होण्याची तारीख जाहीर केली आहे . यानुसार राज्यातील शाळा १३ जूनपासून सुरू होणार आहेत . शाळा सुरू होण्याच्या तारखेची घोषणा होण्यासह राज्याच्या शालेय शिक्षण विभागाने २०२२-२३ या शैक्षणिक वर्षाचे वेळापत्रकही घोषित केले आहे . विभागाने याबाबत एक परिपत्रक काढले आहे . या परिपत्रकानुसार , या वर्षी शाळा २३७ दिवस सुरू राहणार आहेत . शाळेचे पहिले सत्र ऑक्टोबरपर्यंत असणार आहे . दुसरे सत्र ९ नोव्हेंबरला सुरू होणार आहे. सुट्ट्यांच्या बाबतीत मात्र यंदा शिक्षक आणि विद्यार्थ्यांची चंगळ असणार आहे. या वर्षी २० अतिरिक्त सार्वजनिक सुट्ट्या मिळणार आहेत . दिवाळीच्या २६ , उन्हाळ्यामध्ये ३६ आणि अतिरिक्त ४ अशा ७६ मिळणार आहेत . यामध्ये रविवारच्या ५२ सुट्ट्यांचा समावेश केलेला नाही . म्हणजे यंदा शिक्षक आणि विद्यार्थ्यांना एकूण १२८ सुट्ट्या मिळणार आहेत . शाळांचे वार्षिक वेळापत्रक मार्च २०२० पासूनच्या कोरोना लॉकडाऊनपासून बिघडले आहे. मागील वर्षीच्या जूनपासून शाळा ऑनलाइन सुरू झाल्या . त्यानंतर ऑक्टोबरपासून ऑफलाइन शाळा सुरू झाल्या. यंदा शाळा सुरळीत सुरू राहतील अशी अपेक्षा आहे . मुलेही युनिफॉर्मध्ये दिसतील आणि तासही नियमीत सुरू होतील .
No comments:
Post a Comment