निपुण भारत अंतर्गत जिल्हास्तरीय कार्यशाळा संपन्न

निपुण भारत अंतर्गत जिल्हास्तरीय कार्यशाळा संपन्न

 नंदुरबार दि.१९ ( वृत्तसेवा)

निपुण भारत मिशन अंतर्गत मूलभूत साक्षरता व संख्याज्ञान अभियान प्रभावी अंमलबजावणीसाठी भाषा व गणित विषयाच्या घटक संच उपयुक्ततेबाबत जिल्हास्तरीय कार्यशाळा नुकतीच संपन्न झाली. जिल्हा शिक्षण व प्रशिक्षण संस्था नंदुरबार येथे दि.१८ जुलै रोजी भाषा विषयाची व १९ जुलै रोजी गणित विषयाची कार्यशाळा संपन्न झाली. या कार्यशाळेत जिल्ह्यातील ९५ केंद्रातील प्रत्येकी एक भाषा व गणित विषयाचे तज्ञ शिक्षक सहभागी होते. या कार्यशाळेचे उद्घाटन जिल्हा शिक्षण व प्रशिक्षण संस्थेचे प्राचार्य डॉ. जगराम भटकर यांच्या अध्यक्षतेखाली व शिक्षणाधिकारी प्राथमिक सतीश चौधरी तसेच वरिष्ठ अधिव्याख्याता रमेश चौधरी यांच्या उपस्थितीत संपन्न झाले.

मान्यवरांच्या हस्ते शालेय शिक्षण परिसरात वृक्षारोपण करण्यात आले. यावेळी जिल्हा शिक्षण व प्रशिक्षण संस्थेचे प्राचार्य डॉ. जगराम भटकर यांनी विद्यार्थ्यांना शिकवणे यापेक्षा विद्यार्थ्यांचे शिकणे यावर भर देण्याबाबत आवाहन केले. तसेच शिक्षणाधिकारी प्राथमिक  सतीश चौधरी यांनी नंदुरबार जिल्ह्याच्या शैक्षणिक गुणवत्ता वाढीसाठी मूलभूत साक्षरता व संख्याज्ञान अभियान महत्वपूर्ण ठरेल, यासाठी सर्व शिक्षक व क्षेत्रीय अधिकारी यांनी एकत्रित प्रयत्न करून प्रत्येक विद्यार्थ्याच्या क्षमतांमध्ये वृद्धी व्हावी यासाठी नाविन्यपूर्ण कार्य करण्याची गरज स्पष्ट केली.

तसेच या कार्यक्रमाच्या प्रास्ताविकातून वरिष्ठ अधिव्याख्याता रमेश चौधरी यांनी निपुण भारत सरकारची  निपुण मार्गदर्शिका व महाराष्ट्र शासनाच्या शासन निर्णयाच्या अनुषंगाने जिल्ह्याच्या शैक्षणिक गुणवत्ता वाढीसाठी मूलभूत साक्षरता व संख्याज्ञान अभियानाच्या ५० दिवसीय उपक्रमाचे  महत्त्व स्पष्ट केले.

निपुण भारत अंतर्गत जिल्हास्तरीय सुकाणू समिती व जिल्हा प्रकल्प सनियंत्रण कक्ष यांच्या माध्यमातून जिल्हाधिकारी श्रीमती मनीषा खत्री, मुख्य कार्यकारी अधिकारी रघुनाथजी गावडे, सहाय्यक जिल्हाधिकारी तथा प्रकल्प अधिकारी मीनल करणवाल, डॉ. मैनक घोष यांच्या मार्गदर्शनातून सदर कार्यक्रम जिल्ह्यात राबविण्यात येत आहे. सदर दोन दिवशीय कार्यशाळेतून केंद्रस्तरीय सुलभकांना घटक संचातील कृतींची सविस्तर माहिती,विविध साहित्यांच्या उपयोगासह स्पष्ट करण्यात आली.

सदर कार्यक्रम ऑगस्ट ते ऑक्टोबर २०२२ या काळात मूलभूत साक्षरता व संख्याज्ञान कार्यक्रमाचे नियोजनबद्ध कृतींचा संच जिल्ह्यातील सर्व जिल्हा परिषद प्राथमिक शाळा, नगरपालिका प्राथमिक शाळा, शासकीय आश्रम शाळा व अनुदानित आश्रम शाळा अंतर्गत इयत्ता २ री ते ८या वर्गासाठी राबविण्यात येणार आहे.

सदर प्रशिक्षण यशस्वीतेसाठी अधिव्याख्याता सुभाष वसावे यांच्यासह जिल्हास्तरीय सुलभक संदीप पाटील, अनंत सूर्यवंशी, रविकिरण सोनवणे ,विशाल चव्हाण, धीरज खैरनार ,कल्पेश गोसावी, हमीद खाटीक, रोहिणी पाटील, रोहिणी बाविस्कर, चेतना चावडा, सुनंदा भावसार, गीतांजली भोई , जयश्री सानप, जयश्री सैंदाणे, रेखा दुरंगी, सोनल बोरसे यांच्यासह तांत्रिक सहाय्य प्रमोद बागले व गोविंद वाडीले यांनी परिश्रम घेतले.

बच्चुभाऊ कडू यांच्या वाढदिवसानिमित्त वैजाली जि.प.शाळेत शैक्षणिक साहित्य वाटप

बच्चुभाऊ कडू यांच्या वाढदिवसानिमित्त वैजाली जि.प.शाळेत शैक्षणिक साहित्य वाटप

 नंदुरबार दि.५ मा. शालेय शिक्षण राज्यमंत्री ना.ओमप्रकाश बच्चुभाऊ कडू यांच्या ५३ व्या वाढदिवसाचे औचित्य साधून सामाजिक उपक्रम म्हणून प्रहार शिक्षक संघटनेचे जिल्हाध्यक्ष गोपाल गावीत यांनी स्व:खर्चाने शहादा तालुक्यातील जिल्हा परिषद प्राथमिक शाळा वैजाली येथे शालेय विद्यार्थ्यांना वही व पेनचे वाटप करून शैक्षणिक साहित्य वाटपाच्या उपक्रमाची सुरुवात करण्यात आली. शिक्षण हे वाघिणीचे दूध म्हटले जाते; परंतु आर्थिक अडचणीमुळे असंख्य गरजू विद्यार्थ्यांना शिक्षण घेणे शक्य होत नाही.

सध्याची वाढती महागाई पाहता शिक्षणासाठी लागणारे साहित्यही अतिशय महाग झाले आहेत. शिक्षणापासून कोणताही विद्यार्थी वंचित राहू नये यासाठी राज्याध्यक्ष विकास घुगे यांच्या मार्गदर्शनाखाली हे रक्तदान, वृक्षारोपण, रूग्णालयात फळे वाटप अनेक उपक्रम राबिविले आहेत. त्याचाच एक भाग म्हणून या शैक्षणिक साहित्य वाटप कार्यक्रम आयोजित करण्यात आला होता.विद्यार्थ्यांना मिळत असलेल्या आर्थिक मदतीचे चीज करून विद्यार्थ्यांनी आपले उज्ज्वल भविष्य घडवावे. या मुलांना हवे ते शिक्षण घेता यावे यासाठी शक्य तितकी मदत संघटनेकडून करील.

इच्छाशक्ती असेल तर माणूस कोणतेही काम जिद्दीने पूर्ण करू शकतो. शैक्षणिक साहित्य वाटप करण्यात येत आहे. आदिवासी भागात विद्यार्थ्यांना पुस्तक संच व शैक्षणिक साहित्याचे वाटप करण्यात आले. या दुर्गम व आदिवासी भागातील विद्यार्थ्यांना दर्जेदार शिक्षण मिळावे या अनुषंगाने हे शैक्षणिक साहित्य या विद्यार्थ्यांना वाटण्यात आले.

विद्यार्थ्यांना वह्या, पेन, फळे व अल्पोपहाराचे वाटप करण्यात आले. वाढत्या महागाईमुळे सर्वसामान्य कुटूंबातील मुलांचे शिक्षण अवघड झाले आहे. ही गरज लक्षात घेवून त्यांना एक हात मदतीचा हा उपक्रम राबविण्यात येत आहे असेही जिल्हाध्यक्ष गोपाल गावीत यांनी सांगितले. यावेळी शाळेचे मुख्याध्यापक सुदाम पाटील, शाळा व्यवस्थापन समिती सदस्या कविता सोमवंशी,सुरेखा पाटील, शिक्षक भरत पावरा, शिक्षक राजू मोरे उपस्थित होते.

‘मिशन झिरो ड्रॉप आऊट’ची प्रभावीपणे अंमलबजावणी कराजिल्हाधिकारी मनीषा खत्री..

‘मिशन झिरो ड्रॉप आऊट’ची प्रभावीपणे अंमलबजावणी करा

जिल्हाधिकारी मनीषा खत्री

नंदुरबार, दि.५  शाळेत दाखल होण्यास पात्र शाळाबाह्य बालकांचा शोध घेऊन त्यांना शाळेत प्रवेशित करणे तसेच बालकांची शाळेतील गळती शून्यावर आणण्यासाठी ५ जुलै ते २० जुलै २०२२या कालावधीत नंदुरबार जिल्ह्यात ‘मिशन झिरो ड्रॉपआऊट’ मोहिम राबविण्यात येणार आहे. या मोहिमेची प्रभावीपणे अंमलबजावणी करावी असे निर्देश जिल्हाधिकारी मनीषा खत्री यांनी ‍दिले. 'मिशन झिरो ड्रॉप आऊट’ मोहिम राबविण्यासाठी जिल्हाधिकारी कार्यालयात  नुकतीच बैठक संपन्न झाली. बैठकीस  मुख्य कार्यकारी अधिकारी रघुनाथ गावडे, शिक्षणाधिकारी सतीश चौधरी, जिल्हा कार्यक्रम अधिकारी कृष्णा राठोड, जिल्हा शिक्षण व प्रशिक्षण संस्थेचे प्राचार्य जगराम भटकर, आदी उपस्थित होते. श्रीमती मनीषा खत्री म्हणाल्या की,  बालकांना मोफत आणि सक्तीचा शिक्षणाचा अधिकार अधिनियम लागू करण्यात आला आहे. या कायद्यांतर्गत ६ ते १४ वयोगटातील प्रत्येक बालकास शाळेच्या पटावर नोंदविले जाणे, बालकांनी नियमित शाळेत येणे आणि त्याला दर्जेदार शिक्षण मिळणे हा हक्क प्राप्त झाला आहे.

त्यामुळे ५ जुलै ते २०जुलै,२०२३ या कालावधीत ‘मिशन झिरो ड्रॉपआऊट’  मोहिम राबविण्यात येणार आहे. या मोहिमेत शाळेत दाखल होण्यास पात्र शाळाबाह्य बालकांचा शोध घेताना ग्रामपंचायत, नगरपरिषद, जन्म मृत्यू अभिलेख्यामधील नोंदी, कुटुंब सर्वेक्षण, तात्पुरते स्थलांतरित कुटुंबात असणाऱ्या बालकांची माहिती,  शाळाबाह्य, अनियमित बालकांची माहिती घ्यावी. जिल्हातील सर्व खेडी, वस्ती,  वाडी,  गाव,  वार्ड वास्तव्य करणाऱ्या शाळाबाह्य बालकांचे सर्वेक्षण करावे. यासाठी गाव पातळीवर मासिक सभा, ग्रामसभा, शाळा व्यवस्थापन समितीने सभा घ्याव्यात. मिशन झिरो ड्रॉपआऊटची प्रसारमाध्यमातून प्रचार व प्रसिद्धी करावी.

शिक्षणाधिकारी (प्राथमिक, माध्यमिक),  जिल्हा कार्यक्रम अधिकारी (महिला व बालविकास),  बालविकास प्रकल्प अधिकारी (ग्रामीण व नागरी) यांच्याकडून गाव. केंद्र, बीट, विभाग व शाळास्तरानुसार नियोजन करण्यात करावे. महसूल, ग्रामविकास,  नगरविकास, सामाजिक न्याय व विशेष सहाय्य, महिला व बालविकास,  कामगार विभाग, आदिवासी विकास विभाग व स्वंयसेवी संस्थांच्या समन्वयाने ही मोहीम यशस्वी राबवून या अभियानात एकही बालक शाळाबाह्य, स्थलांतरित बालक शिक्षणापासून वंचित राहणार नाही याची दक्षता घ्यावी,असे त्यांनी सांगितले. बैठकीस विविध विभागाचे अधिकारी व कर्मचारी उपस्थित होते.

शेगवे जि.प.शाळेला केंद्र सरकारचा स्वच्छ विद्यालय पुरस्कार

शेगवे जि.प.शाळेला केंद्र सरकारचा स्वच्छ विद्यालय पुरस्कार

नंदुरबार दि.१

( प्रतिनिधी गोपाल गावीत) केंद्र शासनाच्या स्वच्छ भारत अभियान अंतर्गत स्वच्छ विद्यालय पुरस्कार स्पर्धेमध्ये जिल्हयातील जिल्हा परिषद शेगवे शाळेला ग्रामीण जिल्हास्तर स्वच्छ विद्यालय पुरस्कार नवापूर तालुक्यातील जिल्हा परिषद शाळा शेगवे शाळेला सन २००२१-२२ स्वच्छ विद्यालय पुरस्काराने गौरविण्यात आले आहे . जिल्हयातील अनेक शाळांनी आॅनलाईन सर्वेक्षण नोंदणी स्वंयमुल्यमापन पूर्ण करून स्पर्धेत सहभाग घेतला होता. स्वच्छ विद्यालय पुरस्काराची माहिती ऑनलाईन भरण्यात आली होती. त्या आधारावर जिल्हा परिषद नंदुरबार यांच्याकडून क्रॉस वेरिफिकेशन करण्यात आले. त्या क्रॉस व्हेरिफिकेशन मध्ये ज्या शाळांची रेटिंग जास्त होती त्यांची निवड करण्यात आली. जिल्ह्यातून अशा ३४ शाळांची निवड करण्यात आली. पुरस्कारासाठी राज्यातील शहरी व ग्रामीण भागातील शासकीय अनुदानित व खाजगी शाळा पात्र असून जिल्ह्यातील शाळांनी यासाठी नामांकन सादर करण्यात आले होते या स्पर्धेसाठी विविध घटकांमध्ये शाळांना माहिती भरण्यात आली होती. त्यामध्ये जिल्हा परिषद प्राथमिक शाळा शेगवे या शाळेला सब कॅटेगिरी मध्ये पाणी व्यवस्थापन व देखभाल आणि दुरुस्ती, शाळा सुधार, स्वच्छता पद्धतीमध्ये सुधार होण्यासाठी शाळा व विद्यार्थी त्यांना प्रेरणा मिळावी यासाठी शौचालय सुविधा, हात धुण्याची व्यवस्था, पिण्याचे पाणी, कोविड १९ आधारित ५९निकषांवर मुल्यमापन करण्यात आले होते.  या सब कॅटेगिरी मध्ये फाईव्ह स्टार रेंटीग मिळाली आहे व ऑल ओव्हर स्कूल मध्ये शेगवे जिल्हा परिषद शाळेला फाईव्ह स्टार रेटिंग मिळालेली आहे. नंदुरबार जिल्हा कार्यालयात झालेल्या कार्यक्रमात जिल्हा परिषद नंदुरबारचे मुख्य कार्यकारी अधिकारी रघुनाथ गावडे, प्राथमिक शिक्षणाधिकारी सतीश चौधरी तसेच माध्यमिक शिक्षणाधिकारी कदम , उपशिक्षणाधिकारी डाॅ. युनूस पठाण साहेब यांच्या प्रमुख उपस्थितीत पुरस्कार देण्यात आला आहे. पुरस्कार स्वीकारण्यासाठी जिल्हा परिषद शाळेचे मुख्याध्यापक सुनिल नारायण सोनवणे व त्यांचे सहकारी राजू लक्ष्मण गावित उपस्थित होते. दोन्ही शिक्षकांनी लोकसहभागातून खूप मेहनत घेऊन शाळा अतिशय सुंदर स्वच्छ आणि देखणी केली आहे. त्यांनी सांगितले की , पुरस्काराचे श्रेय सरपंच कांतीलाल दादा गावीत, ग्रुप ग्रामपंचायत सदस्य शामसिंग दादा गावीत, सदस्य सुरेखाताई गावीत तसेच शाळा व्यवस्थापन समितीच्या अध्यक्षा हीनुताई गावीत, उपाध्यक्ष आकाश गावीत तसेच वीर आदिवासी एकलव्य संघ नंदुरबार शाखा नवापूर तालुकाध्यक्ष कैलास गावीत, उपाध्यक्ष निखिल गावीत तसेच पालकवर्ग यांना द्यावे लागेल. असेही मत मुख्याध्यापक सुनिल सोनवणे यांनी सांगितले.

जिल्हा परिषद प्राथमिक शाळा वैजाली ता.शहादा...नवागतांचे स्वागत,प्रवेशोत्सव संपन्न

15/6/2022...जिल्हा परिषद प्राथमिक शाळा वैजाली ता.शहादा

💐📚शाळा प्रवेशोत्सव व नवागतांचे स्वागत मोठ्या जल्लोषात करण्यात आले... यावेळी गावाचे उपसरपंच विनोद पाटील, शाळा व्यवस्थापन समिती अध्यक्ष प्रवीण पाटील शाळेचे मुख्याध्यापक सुदाम पाटील शाळेतील सर्व शिक्षक वृंद. अंगणवाडी सेविका मदतनीस उपस्थित विद्यार्थी, पालक..

श्री काकासाहेब विद्यामंदिर येथे नवागत विद्यार्थ्यांच्या स्वागतासाठी शिक्षणाधिकारी झालेत शैक्षणिक रथाचे सारथी

श्री काकासाहेब विद्यामंदिर येथे नवागत विद्यार्थ्यांच्या स्वागतासाठी शिक्षणाधिकारी झालेत शैक्षणिक रथाचे सारथी

नंदुरबार दि.१५ गेल्या दोन वर्षापासून कोरोना महामारी मुळे बंद असलेल्या शाळा आज उन्हाळी सुट्टीनंतर सुरू होत आहेत. शासनाच्या आदेशानुसार पहिल्या दिवशी सर्वच नवागत विद्यार्थ्यांचे शाळेत वाजत-गाजत मिरवणूक काढत गुलाबपुष्प देऊन  स्वागत होत असताना श्री काकासाहेब प्राथमिक विद्यामंदिर येथे शाळेच्या पहिल्या दिवशी आकर्षक घोडागाडी रथ व शाळेची बस सजवत विद्यार्थ्यांना बसवून ढोल-ताशांच्या गजरात वाजत-गाजत प्रवेशद्वारापर्यंत आणून गुलाब पुष्प देत मोठ्या आनंदी व उत्साही वातावरणात विद्यार्थ्यांचे स्वागत करण्यात आले व या शैक्षणिक रथाचे सारथी होण्याची संधी मला मिळाली

ही माझ्यासाठी आनंदाची बाब आहे असे मत हिरा प्रतिष्ठान संचलित श्री काकासाहेब हिरालाल मगनलाल चौधरी प्राथमिक विद्यामंदिर व संस्कृती शिशु विहार यांच्या संयुक्त विद्यमाने आयोजित नवागतांचे स्वागत व प्रवेशोत्सव समारंभप्रसंगी नंदुरबार जिल्ह्याचे प्राथमिक विभागाचे शिक्षणाधिकारी श्री सतीश चौधरी यांनी आपल्या भाषणातून व्यक्त केले. पुढे ते म्हणाले शाळेने पहिल्या दिवशी केलेले विद्यार्थ्यांचे स्वागत हे विद्यार्थ्यांसाठी अविस्मरणीय असे आहे असेच नवनवीन उपक्रम राबवून विद्यार्थ्यांमध्ये शाळेची गोडी व आवड उत्साह निर्माण होईल यासाठी व विद्यार्थ्यांच्या गुणवत्ता वाढीसाठी प्रयत्नशील राहावे अशी सदिच्छा व्यक्त केली व विद्यार्थ्यांच्या पुढील वाटचालीसाठी त्यांनी शुभेच्छा दिल्या. कार्यक्रमासाठी प्रमुख मान्यवर म्हणून उपस्थित संस्थेच्या संचालिका सौ.अनिता शिरीष चौधरी यांनी आपल्या भाषणातून नवीन प्रवेशित विद्यार्थ्यांचे स्वागत करत पुढील शैक्षणिक वाटचालीसाठी शुभेच्छा दिल्या. संस्थेचे सचिव तथा शाळेचे मुख्याध्यापक श्री रुपेश चौधरी यांनी प्रास्ताविक सादर करत संस्थेच्या तसेच शाळेच्या माध्यमातून कोरोना काळात चालवलेले उपक्रम तसेच विद्यार्थ्यांच्या शैक्षणिक विकासासाठी शिक्षकांनी केलेले प्रयत्न व पुढील शैक्षणिक वर्षातील धोरण यांचा लेखाजोखा सादर करत शाळेच्या व संस्थेच्या शैक्षणिक कार्याचा गौरव केला व  विद्यार्थ्यांना नवीन शैक्षणिक वर्षाच्या शुभेच्छा दिल्या.

प्रवेशोत्सव समारंभात विद्यार्थ्यांना सजवलेल्या घोडाच्या रथातुन व शाळेच्या बसमध्ये बसवून प्रवेशद्वारापर्यंत वाजत-गाजत  आणण्यात आले तेथे मान्यवरांचे व विद्यार्थ्यांचे औक्षण करून गुलाब पुष्प देऊन स्वागत झाले.शाळेचा पहिला दिवस मान्यवरांच्या शुभहस्ते विद्यार्थ्यांना मोफत पाठ्यपुस्तकांचे व शालेय दप्तरांचे वाटप करण्यात आले. त्यानंतर मान्यवरांनी व विद्यार्थ्यांनी केक कापून शाळेचा पहिला दिवस मोठ्या आनंदात साजरा केला व सर्व विद्यार्थ्यांचे तोंड गोड व्हावे म्हणून केक वाटप करण्यात आला. कार्यक्रमासाठी मोठ्या संख्येने विद्यार्थी व पालक उपस्थित होते.

कार्यक्रमाचे सूत्रसंचालन श्री सतीश काटके व आभार प्रदर्शन श्रीमती नयना सोनवणे यांनी केले तर कार्यक्रमाच्या यशस्वितेसाठी श्री युवराज भामरे, श्री विशाल चौधरी, शेखर पाटील, रवी चौधरी, सुधाकर ठाकूर,चेतन वसईकर आदींनी सहकार्य केले.

वरिष्ठ वेतन श्रेणी व निवड श्रेणी ऑनलाईन प्रशिक्षण २०२१-२०२२वरीष्ठ वेतन श्रेणी व निवड श्रेणी प्रशिक्षण अपडेट.

वरिष्ठ वेतन श्रेणी व निवड श्रेणी ऑनलाईन प्रशिक्षण २०२१-२०२२वरीष्ठ वेतन श्रेणी व निवड श्रेणी प्रशिक्षण अपडेट.

वरीष्ठ वेतन श्रेणी व निवड श्रेणी प्रशिक्षण अपडेट

 

शैक्षणिक संशोधन व प्रशिक्षण परिषद, महाराष्ट्र, पुणे व इन्फोसिस स्प्रिंगबोर्ड यांच्या समन्वयाने महाराष्ट्रातील शिक्षकांसाठी वरिष्ठ वेतन श्रेणी व निवड श्रेणी ऑनलाईन प्रशिक्षण कोर्स चे विकसन करण्यात येऊन सदर कोर्स इन्फोसिस स्प्रिंगबोर्ड प्रणालीवर प्रशिक्षणासाठी उपलब्ध करून देण्यात आले आहेत.

दि. ०२ जुन २०२२ रोजी इन्फोसिस स्प्रिंगबोर्ड प्रणालीवर क्लाउड सेवांचे अद्यावतीकरण करत असताना सदर प्रणाली वापरण्यात वापरकर्त्यांना तांत्रिक अडचणी निर्माण झाल्या होत्या.

आकस्मिक उद्भवलेल्या तांत्रिक अडचणींमुळे पूर्ण जगभरातील वापरकर्त्यांसाठी सदर प्रणाली पुढील दोन ते तीन दिवस बंद ठेवून अधिक अद्ययावत स्वरूपात ती उपलब्ध करून देण्यात येत आहे.

यामुळे वरिष्ठ वेतन श्रेणी व निवड श्रेणी प्रशिक्षणार्थी यांना सदर प्रशिक्षण पूर्ण करण्यासाठी पुरेसा अवधी वाढवून दिला जाईल आणि इन्फोसिस स्प्रिंगबोर्डची सेवा नव्याने सुरू झाल्यावर ईमेलद्वारे कळविण्यात येईल.

सदर प्रशिक्षणाचे सर्व अपडेट व पुढील सूचना आपणास वेळोवळी https://training.scertmaha.ac.in या संकेतस्थळावर उपलब्ध होतील.

आकस्मिक उद्भवलेल्या तांत्रिक अडचणींमुळे प्रशिक्षणार्थी यांना झालेल्या त्रासाबद्दल आम्ही दिलगीर आहोत.

सौजन्य :-

इन्फोसिस स्प्रिंगबोर्ड व

राज्य शैक्षणिक संशोधन व प्रशिक्षण परिषद, महाराष्ट्र, पुणे

प्राथमिक शिक्षकांच्या बदली बाबत राज्यस्तरीय समितीची बैठक..पुणे.

सॉफ्टवेअर डेव्हलपमेंटची प्रगती, वापरकर्ता चाचणीचे निकाल आणि बदली प्रक्रिया सुरू करण्याच्या नियोजनाचा आढावा घेण्यासाठी जिल्हा परिषदेच्या शिक्षकांच्या ऑनलाइन बदलीसाठी राज्यस्तरीय समितीची पुणे येथे बैठक झाली. या समितीमध्ये आयुष प्रसाद (पुणे), डॉ. सचिन ओंबासे (वर्धा) आणि विनय गौडा जी सी (सातारा) या जिल्हा परिषदेच्या तीन मुख्य कार्यकारी अधिकाऱ्यांचा समावेश आहे.

1. समितीला असे आढळून आले की सॉफ्टवेअर रोल आउटच्या तीन टप्प्यांपैकी - दोन टप्पे पूर्णपणे विकसित आणि चाचणी केलेले आहेत. करार आणि उद्योग मानकांनुसार ते थर्ड पार्टी सिक्युरिटी ऑडिटसाठी पाठवले जावे.

2. तिसरा आणि अंतिम टप्पा देखील प्रोग्राम केला गेला आहे. वापरकर्त्याची चाचणी आता घेतली जात आहे. काही बारकावे जसे की न्यायालयात प्रलंबित प्रकरण असल्यास काय करावे यावर चर्चा करून निर्णय घेण्यात आला.

3. डेटा गुणवत्तेच्या पुनरावलोकनात असे दिसून आले आहे की सुमारे 17,000 शिक्षकांनी चुकीचा डेटा सबमिट केला आहे जसे की डुप्लिकेट फोन नंबर, आधार क्रमांकामध्ये जुळत नाही, सेवा डेटा भरताना चुका इ. प्रत्येक जिल्ह्याला सूचित केले गेले आहे.

4. काही जिल्ह्यांसाठी अद्ययावत आणि मंजूर रोस्टर उपलब्ध नाहीत. आंतरजिल्हा बदलीसाठी वर्गवारीचे रोस्टर आवश्यक आहेत. विभागीय आयुक्त आणि संबंधित जिल्ह्यांना लवकरात लवकर तयारी आणि मंजुरी देण्यासाठी सूचित केले जाईल.

5. सॉफ्टवेअरचे क्लाउड इंटिग्रेशन पूर्ण झाले आहे. 25,000 समवर्ती हिट्ससाठी फक्त लोड बॅलन्सरची रचना केली जात आहे. जलद सेवांसाठी 1 GBPS समर्पित लाइन प्रदान केली जाईल.

6. सुरळीत आणि पारदर्शक हस्तांतरण प्रक्रिया सुनिश्चित करण्यासाठी, सॉफ्टवेअरमध्ये मॅन्युअल हस्तक्षेपाद्वारे, अखंडतेची उच्च पातळी सुनिश्चित करण्यासाठी राज्यभर प्रतिगुप्तचर क्रियाकलाप केले जातील.

*नियोजित वेळेनुसार हे सॉफ्टवेअर १ जून रोजी लाँच करता आले असते. परंतु 27 मे रोजीच्या सामान्य प्रशासन विभागाच्या सूचनेमुळे राज्यातील इतर सर्व बदल्यांसह ही प्रक्रिया होणार आहे.*

समितीने विन्सिसच्या सॉफ्टवेअर डेव्हलपर्सच्या टीमशीही संवाद साधला. डेव्हलपर्सची टीम आठवड्याच्या शेवटी सुट्टी किंवा विश्रांतीशिवाय दररोज रात्री उशिरापर्यंत काम करत आहे. विशेष सूट कलमांच्या संख्येमुळे सॉफ्टवेअर अत्यंत गुंतागुंतीचे आहे. सॉफ्टवेअर शिक्षकांच्या बदलीची प्रक्रिया स्वयंचलित करते - त्यामुळे केवळ डेटा गोळा करावा लागत नाही तर डेटाच्या आधारे शिक्षकांच्या नियुक्तीचा निर्णय देखील घ्यावा लागतो. विक्रमी वेळेत सॉफ्टवेअर विकसित करण्याच्या त्यांच्या मेहनतीचे आणि समर्पणाचे टीमने कौतुक केले. Vinsys चे मुख्य तंत्रज्ञान अधिकारी श्री निलेश देविदास हे देखील उपस्थित होते.

शिक्षक हस्तांतरण सॉफ्टवेअर अद्वितीय आहे कारण ते शिक्षकांना, प्राधिकरणाच्या हस्तक्षेपाशिवाय, नियमांच्या संचाच्या आधारे बदली मिळविण्यासाठी आणि मिळविण्यासाठी एक व्यासपीठ प्रदान करते. 20,000 हून अधिक शिक्षक आणि शिक्षकांचे प्रतिनिधीत्व असल्याचा दावा करणार्‍या 757 संघटनांच्या नेत्यांशी व्यापक चर्चा केल्यानंतर हे नियम सरकारी निर्णय म्हणून ठरविण्यात आले आहेत. 34 जिल्हा परिषदांमधील 102 तज्ज्ञांनी हे सॉफ्टवेअर नेमके शासन निर्णयानुसार आहे की नाही याची पडताळणी केली आहे. एकदा लाँच झाल्यानंतर, सॉफ्टवेअर प्रशासकीय बदल्यांमुळे किंवा बदलीसाठी विनंती करण्यास पात्र असलेल्या शिक्षकांची आपोआप ओळख होते. शिक्षकांचा डेटा प्रत्येक इतर शिक्षकांना पूर्णपणे दृश्यमान आहे. सोशल ऑडिटची प्रक्रिया आहे. प्रत्येक शिक्षकाने केलेले प्रत्येक क्लिक लॉग केले जाते आणि संपूर्ण पारदर्शकतेसाठी शिक्षकांना उपलब्ध करून दिले जाते. डेटामध्ये थर्ड पार्टी फेरफार करण्यास वाव नाही. शिक्षकांच्या पदस्थापनेचा निर्णय मॅन्युअली नाही तर सॉफ्टवेअरद्वारे नियमानुसार काटेकोरपणे घेतला जातो.

ई-गव्हर्नन्समध्ये हे प्रथमच आहे की जटिल निर्णय घेणे स्वयंचलित केले गेले आणि सॉफ्टवेअर सिस्टमला दिले गेले. सहसा, ऑटोमेशन डेटा प्रमाणीकरणापर्यंत मर्यादित असते. विस्तृत ई-गव्हर्नन्स डेटाचे संकलन आणि संचयनासाठी आहे; आणि प्रत्यक्षात सॉफ्टवेअरद्वारे निर्णय घेण्याऐवजी अधिकार्‍यांकडून निर्णय घेणे सुलभ करणे. परंतु या प्रकरणात, अधिकार्‍यांची भूमिका सबमिट केलेल्या डेटावरील विवाद आणि हस्तांतरण प्रक्रिया सुरू करण्यासंदर्भातील तक्रारींचे निराकरण करण्यापुरती मर्यादित राहिली आहे. हा प्रकल्प डिजिटल पद्धतीने प्रशासनाला नवी दिशा देईल.

नंदुरबार जिल्हा परिषद कर्मचारी बदली बाबत सत्र सुरू

नंदुरबार जिल्हा परिषद कर्मचारी बदली बाबत सत्र सुरू ..

PRAHAR UPDATE.... नंदुरबार जिल्हा परिषद कर्मचारी बदल्यांचे सत्र सुरू झाले आहे.जिल्हा परिषद नंदुरबार याहा मोगी माता सभागृह येथे  तीन दिवसांचे समुपदेशन शिबिर सुरू आहे . पहिल्या दिवशी सहा विभागातील कर्मचाऱ्यांच्या बदल्या करण्यात आल्या आहेत. जिल्हा परिषदेचे मुख्य कार्यकारी अधिकारी रघुनाथ गावडे , सामान्य विभागाचे प्रशासन उपमुख्य कार्यकारी अधिकारी राजेंद्र पाटील यांच्यासह त्या त्या विभागाचे विभागप्रमुख उपस्थित होते . सोमवारी अर्थ विभाग , बांधकाम विभाग , लघुसिंचन , ग्रामिण पाणीपुरवठा व यांत्रिकी , महिला व बालविकास यासह शिक्षण विभागातील विस्तार अधिकारी यांच्या बदल्या झाल्या . मंगळवारी सामान्य प्रशासन , कृषी , पशुसंवर्धन , आरोग्य विभागातील आरोग्य सेवक यांच्या बदल्या होणार आहेत . मंगळवारी शेवटचा दिवस राहणार आहे . समुपदेशन शिबिरात रिक्त जागांचा तपशील दाखवून कर्मचाऱ्यांना पसंतीक्रम विचारला जातो . बदल्यांमध्ये पारदर्शकता ठेवण्यासाठी प्रशासनाचे प्रयत्न आहेत . बदलीपात्रा दरम्यान , जिल्हा परिषद आवारात कर्मचाऱ्यांची गर्दी झाली होती. पारदर्शक बदल्या करण्यात येत असल्यामुळे प्रहार शिक्षक संघटनेचे जिल्हाध्यक्ष गोपाल गावीत यांनी प्रशासनाचे आभार व्यक्त केले आहे.

शिक्षकांच्या ऑनलाइन बदल्या बाबतीत अपडेट .

शिक्षकांच्या ऑनलाइन बदल्या बाबतीत अपडेट ..

 Vinsys ( सॉफ्टवेअरचे प्रोग्रामर ) मधील 100 पेक्षा जास्त अभियंत्यांची टीम आणि द्वारे समर्थित सायफ्युचर क्लाउड सर्व्हिसेसच्या 10 अभियंत्यांनी सॉफ्टवेअरच्या पहिल्या टप्प्यासाठी वापरकर्ता चाचणी घेतली . लॉजिक विरोधाभास ( सॉफ्टवेअर " हँग " नसावे),शून्य आयटम आणि लॉगिनमध्ये डेटा अपडेटसाठी सॉफ्टवेअरची चाचणी घेण्यात आली. सर्व पॅरामीटर्सवर यशस्वी झाले . हे आता आगाऊ सुरक्षा चाचणीसाठी जाईल जेणेकरून ते हॅक होऊ शकत नाही . टप्पा 2 विकास देखील पूर्ण आहे . टीचर ट्रान्सफर सॉफ्टवेअर हे सर्वात क्लिष्ट सॉफ्टवेअर्सपैकी एक आहे जे सरकारी अधिकाऱ्यांद्वारे वापरले जाईल कारण विविध प्रकारच्या टेकहर्सना देण्यात आलेल्या सूट , पोस्टिंगच्या स्थानांची संख्या 1.5 लाखांच्या पुढे जाऊ शकते , प्रत्येक शिक्षक आणि स्थान परिभाषित केले आहे . अनेक अटींनुसार कोणत्याही सॉफ्टवेअरप्रमाणे , तर्काने सुसंगतता दर्शविली पाहिजे आणि ती देखील सांख्यिकीयदृष्ट्या योग्यरित्या कार्य करण्यासाठी परिस्थितीशी जुळली पाहिजे . आम्ही विविध सूट काळजीपूर्वक कॅलिब्रेट केल्या आहेत . सॉफ्टवेअर योग्यरित्या कार्य करू शकेल याची खात्री करण्यासाठी आम्ही बदल करण्यासाठी गेल्या 14 महिन्यांत दबावाचा प्रतिकार केला . पॉलिसी स्थिरता सुनिश्चित केली गेली आहे की सिस्टम चांगले कार्य करते .

राष्ट्रीय आयसीटी पुरस्कार नोंदणी लिंक 2022

राष्ट्रीय आयसीसी पुरस्कार नोंदणी सुरू आहे..

https://ictaward.ncert.gov.in

https://ncert.nic.in

कोणत्याही एका लिंकवर जाऊन नोंदणी करावी.

वरिष्ठ व निवड श्रेणी प्रशिक्षण नोंदणी दुरुस्ती प्रक्रिया..

वरिष्ठ व निवड श्रेणी प्रशिक्षण

नोंदणी दुरुस्ती प्रक्रिया

 

या प्रक्रियेतून...

१. प्रशिक्षण प्रकार बदलता येईल.

२. प्रशिक्षण गट बदलता येईल.

३. डबल नोंदणी रद्द करता येईल.

https://training.scertmaha.ac.in/trainingcr/

शिक्षकांच्या बदल्यांना आचारसंहितेचा फटका पोर्टल दुरुस्तीची मागणी

शाळा सुरू होण्यापूर्वी प्रक्रिया पूर्ण करा ! नंदुरबार... प्रहार अपडेट..

: शाळा सुरू होण्यापूर्वी शिक्षकांच्या आंतरजिल्हा बदल्या होणे अपेक्षित असते यावर्षी शाळा 13 जून रोजी सुरू होणार आहेत मात्र बदली पोर्टल सुरू न झाल्याने शिक्षकांच्या बदल्या रखडल्या आहेत . काही दिवसात जिल्हा परिषदेच्या सार्वत्रिक निवडणुकीची आचारसंहिता लागण्याची शक्यता आहे त्यामुळे यंदाच्या वर्षी ही आंतरजिल्हा बदलीने येणाऱ्या शिक्षकांच्या बदल्या होणार की नाही असा प्रश्न उपस्थित होत आहे . आंतरजिल्हा बदली प्रक्रिया सातत्याने विलंब होत असल्याने प्रक्रिया पूर्वीप्रमाणेच ऑफलाईन प्रणालीने करावी असाही सूर निघत आहे . बदली प्रक्रियेत पारदर्शकता यावी यासाठी पोर्टल सुरू करण्याचा निर्णय घेतला त्यानुसार पोर्टल चे काम 70 टक्के पूर्ण झाले मात्र अजूनही 30 टक्के काम न झाल्याने आंतरजिल्हा बदली प्रक्रिया पुन्हा लांबणीवर पडली आहे .

स्टुडंट पोर्टलवरील विद्यार्थ्यांची माहिती अद्ययावत परिपत्रक.

जनतेच्या तक्रार निवारण करण्यासाठी प्रथमच जनता दरबाराचे आयोजन. -- मा.पी.आर पाटील पोलिस अधीक्षक

पोलीस व जनता या दोघांमध्ये योग्य समन्वय ठेवणे , तसेच नागरिकांच्या समस्यांचे निराकरण करणे हा जनता दरबाराचा मुख्य उद्देश आहे . त्यासाठी नंदुरबार जिल्हा पोलीस दलातर्फे नंदुरबार तालुका पोलीस ठाणे हद्दीत राहणा-या नागरिकांना आवाहन करण्यात येत आहे की , पोलीस विभागाकडील नागरिकांच्या तक्रारी / समस्यांचे निवारण करण्यासाठी दिनांक 24/05/2022 रोजी सकाळी 09.30 वाजता नंदुरबार तालुका पोलीस ठाण्याच्या आवारात जनता दरबार आयोजीत करण्यात आलेला आहे . सदर जनता दरबाराचे उद्घाटन नंदुरबार जिल्ह्याचे जिल्हाधिकारी श्रीमती मनिषा खत्री ( भा.प्र.से. ) या करणार असून नंदुरबार जिल्ह्याचे पोलीस अधीक्षक श्री. पी. आर. पाटील ( भा.पो.से. ) हे स्वत : उपस्थित असणार आहेत . तरी नंदुरबार तालुका पोलीस ठाणे हद्दीतील नागरिकांच्या नंदुरबार तालुका पोलीस ठाण्याशी संबंधीत तक्रारी दाखल गुन्हे , अकस्मात मृत्यु , अदखलपात्र गुन्हे , पासपोर्ट , चारित्र्य पडताळणी , जमीनी विषयक वाद , हरविलेले इसम इत्यादीबाबत काही तक्रारी / समस्या असल्यास दिनांक 24/05/2022 रोजी सकाळी 09.30 वाजता नंदुरबार तालुका पोलीस ठाण्याच्या आवारात आयोजीत जनता दरबारास उपस्थित राहवे . पोलीस अधीक्षक , नंदुरबार हे सदर तक्रारी ऐकून त्या तक्रारींचे निराकरण करण्याकामी स्वतः उपस्थित राहणार आहेत . सदर कार्यक्रमाचे निमंत्रक श्री . विजय पवार , अपर पोलीस अधीक्षक , नंदुरबार , श्री . सचिन हिरे , उप विभागीय पोलीस अधिकारी , नंदुरबार भाग , नंदुरबार व श्री . राहुल पवार , पोलीस निरीक्षक , नंदुरबार तालुका पोलीस ठाणे हे आहेत .

🔔13 जून पासून शाळेची घंटा वाजणार.

शिक्षण विभागाने शाळा सुरू होण्याची तारीख जाहीर केली आहे . यानुसार राज्यातील शाळा १३ जूनपासून सुरू होणार आहेत . शाळा सुरू होण्याच्या तारखेची घोषणा होण्यासह राज्याच्या शालेय शिक्षण विभागाने २०२२-२३ या शैक्षणिक वर्षाचे वेळापत्रकही घोषित केले आहे . विभागाने याबाबत एक परिपत्रक काढले आहे . या परिपत्रकानुसार , या वर्षी शाळा २३७ दिवस सुरू राहणार आहेत . शाळेचे पहिले सत्र ऑक्टोबरपर्यंत असणार आहे . दुसरे सत्र ९ नोव्हेंबरला सुरू होणार आहे. सुट्ट्यांच्या बाबतीत मात्र यंदा शिक्षक आणि विद्यार्थ्यांची चंगळ असणार आहे. या वर्षी २० अतिरिक्त सार्वजनिक सुट्ट्या मिळणार आहेत . दिवाळीच्या २६ , उन्हाळ्यामध्ये ३६ आणि अतिरिक्त ४ अशा ७६ मिळणार आहेत . यामध्ये रविवारच्या ५२ सुट्ट्यांचा समावेश केलेला नाही . म्हणजे यंदा शिक्षक आणि विद्यार्थ्यांना एकूण १२८ सुट्ट्या मिळणार आहेत . शाळांचे वार्षिक वेळापत्रक मार्च २०२० पासूनच्या कोरोना लॉकडाऊनपासून बिघडले आहे. मागील वर्षीच्या जूनपासून शाळा ऑनलाइन सुरू झाल्या . त्यानंतर ऑक्टोबरपासून ऑफलाइन शाळा सुरू झाल्या. यंदा शाळा सुरळीत सुरू राहतील अशी अपेक्षा आहे . मुलेही युनिफॉर्मध्ये दिसतील आणि तासही नियमीत सुरू होतील .

पहिली ते चौथी च्या विद्यार्थ्यांना पहिल्या तिमाहीसाठी केवळ एक पुस्तक

पहिली ते चौथी च्या विद्यार्थ्यांना पहिल्या तिमाहीसाठी केवळ एक पुस्तक

 नंदुरबार....आता दप्तराचा भार हलका करण्यासाठी शालेय शिक्षण मंत्री प्रा . वर्षा गायकवाड यांनी पहिली ते चौथी च्या विद्यार्थ्यांना पहिल्या तिमाहीसाठी केवळ एक पुस्तक देण्याचा निर्णय घेतला आहे . या पुस्तकामध्ये सर्व विषयांचा पहिल्या तीन महिन्याचा अभ्यासक्रम असेल . विद्यार्थ्यांना दररोज वर्षभराच्या अभ्यासाची सर्वच पुस्तके शाळेत घेऊन येण्याची गरज पडणार नाही . वर्षातील चार शैक्षणिक सत्रांसाठी केवळ चार पुस्तके असतील , असे प्रा .वर्षा गायकवाड यांनी सांगितले आहे. शैक्षणिक वर्ष 2022-23पासून इयत्ता 1 ली ते दुसरी वर्गातील विद्यार्थ्यांसाठी ' मल्टी लँग्वेजेस इंटिग्रेटेड बुक ' असतील . या वर्षात यश मिळाल्यानंतर त्यापुढील वर्षापासून 3 री आणि 4 थी च्या विद्यार्थ्यांना अशा प्रकारचा अभ्यासक्रम लागू होईल .

प्राथमिक शिक्षकांच्या विविध प्रश्नांसंदर्भात ग्रामविकास मंत्री व शालेय शिक्षणमंत्री यांच्या मार्गदर्शनाखाली महत्त्वपूर्ण बैठक संपन्न

 नंदुरबार दि.१८. महाराष्ट्र राज्याचे ग्रामविकास मंत्री मा. हसन मुश्रीफ साहेब व शालेय शिक्षणमंत्री मा.वर्षाताई गायकवाड व यांचे सचिव मा. चंदनशिवे साहेब व ग्रामविकास प्रशासन अधिकारी श्री.भोसले साहेब, अवर सचिव श्री. सुनिल हंजे साहेब , उपसिव श्री. वळवी साहेब  तसेच इतर कक्ष अधिकारी यांची बैठक संपन्न झाली . यामध्ये प्रामुख्याने शिक्षकाच्या बदल्यासंदर्भात चर्चा झाली. बदली सॉप्टवेअर चे काम ३०% अपूर्ण असल्यामुळे साधारणतः जुलै  पर्यत बदल्या होतील अशी चर्चा झाली. तसेच वस्तीशाळा शिक्षकांच्या सेवेसंदर्भात सकारात्मक चर्चा झाली. वर्ग- २ व शिक्षकांमधून मुख्याध्यापक , केंद्रप्रमुख , विस्तार अधिकारी, ई पदोन्नती संदर्भाने देखील सकारात्मक निर्णय घेण्यात आला आहे.अरुण जाधव राज्याध्यक्ष शिक्षक संघटना समन्वय समिती आदी पदाधिकारी उपस्थित होते.

जिल्हा परिषद शाळांमधील प्राथमिक आणि माध्यमिक शिक्षकांच्या विविध प्रश्नांबाबत चर्चा झाली. यावेळी शालेय शिक्षण विभागातील विस्तार अधिकारी, केंद्रप्रमुख व मुख्याध्यापकांची रिक्त पदे तात्काळ भरण्याचा निर्णय घेण्यात आला.बैठकीत जिल्हा परिषद शाळेतील सर्वच शिक्षकांचे वेतन वेळेवर करण्याबाबतच्या उपाययोजनांबबत, भविष्य निर्वाह निधी आणि आश्र्वासित प्रगती योजना लागू करण्याबाबत सकारात्मक चर्चा झाली.

नंदुरबारात पुन्हा पोलीसांतल्या माणुसकीची दिव्य प्रचिती ! दिव्यांगास दिला आधार !! मा.पी.आर.पाटील पोलिस अधीक्षक

नंदुरबारात पुन्हा पोलीसांतल्या माणुसकीची दिव्य प्रचिती ! दिव्यांगास दिला आधार !! मा.पी.आर.पाटील पोलिस अधीक्षक

    नंदुरबार.... NETWORK.. पोलीसांबद्दलच सर्वसामान्यांच्या मनात फारसे चांगले मत नसते परंतु नंदुरबार पोलीसांनी मात्र याला वेळोवेळी छेद दिला आहे.

     श्रेयस दिलीप नांदेडकर वय ३५.शिक्षण बारावीपर्यंत तो जन्मतःच संपूर्ण दिव्यांग! हात व पाय ठार लुळे.असून नसल्यासारखेच..उभा रहाता येत नसल्याने सतत बसूनच रहावे लागते. दुसऱ्यांनेच उचलून न्यावे लागते. बोलतांना अडखळत बोलतो.परिस्थिती अत्यंत गरीब.नंदुरबार पोलीसांच्या भाड्याच्या गाळ्यात त्याचे वडील दिलीप नांदेडकर झेरॅाक्स मशीनवर कुटुंबाचा उदरनिर्वाह चालवायचे. श्रेयसच्या एका हाताची थोडीशी हालचाल होते, परिस्थितीला शरण न जाता याच एका हाताने तो वडिलांना झेरॅाक्स काढायला परवापर्यंत मदत करायचा.

     अचानक परवा १४ एप्रिलला श्रेयसचे वडील हार्ट ॲटॅकने गेले आणि दिव्यांग श्रेयसच्या कुटुंबावर नियतीने दुसरा निर्दयी आघात केला. स्वतःलाच उभे रहाता येत नाही तेथे या वयात आईचा सांभाळ कसा करायचा या विचारांने तो सैरभैर झाला. आतापर्यंत वडील त्याला दुकानापर्यंत पाठीवर उचलून आणायचे, आता पुढे काय? जीवनाची लढायचे तर आहेच पण कसे? दिलीप नांदेडकरांचा संसार त्यांच्या पश्चात उघड्यावर पडला.

    पोलीस अधीक्षक पी.आर.पाटील यांनी श्रेयसला बोलावून घेतले. आईसह तो कार्यालयात आला.

पुढे काय ? विचारले तर तो म्हणाला “ काही नाही..लढणार!” मग काय पोलीस  अधीक्षक यांच्या एका हाकेसरशी नंदुरबार पोलीसांची टीम कामाला लागली.पुन्हा एक मोडू पाहणारा संसार उभा करायचा असा विचार पुढे आला. पोलीस अधीक्षकांसह अपर अधीक्षक विजय पवार, पो.नि.कळमकर व त्यांच्या सहकाऱ्यानी निधी जमा केला.तब्बल ६३०००/- रु. जमा झाले. या रकमेचा चेक थरथरत्या हातांनी स्विकारत श्रेयसने नंदुरबार पोलीसांचे आभार मानले. रकमेतून आता श्रेयस स्वःताच्या तिनचाकी बाईकवर झेरॅाक्सच्या दुकानात जाऊ शकेल. जन्मताच दुर्बल असलेल्या श्रेयसच्या पायात नंदुरबार पोलीसांनी बळ ओतले. एका दिव्यांगास नियतीने लाथाडले पण पोलीसांनी आपलेसे केले.मागेही एका गरीब वृद्धास मदतीचा हात देऊन नंदुरबार पोलींसानी समाजापुढे एक आदर्श घालून दिला होता. 

   पोलीस अधीक्षक कार्यालयातून घरी जाताना श्रेयसच्या डोळ्यात अश्रू होते.जाता जाता तो पोलिसांना आपल्या अडखळत्या शब्दात कुसुमाग्रजांच्या काव्यपंक्ती नक्कीच म्हणाला असेल.. 

                  “मोडून पडला संसार तरी मोडला नाही कणा!

                 पाठीवरती हात ठेवून…

फक्त लढ म्हणा!!”.... नाविण्यपूर्ण उपक्रमाचे नंदुरबार पोलिस प्रशासनाचे जिल्ह्यातील नागरिकांकडून कौतुक करण्यात येत आहे.

शिक्षक बदली 2022 अपडेट..तीन phase मध्ये होणार बदली प्रक्रिया

शिक्षक बदली 2022 अपडेट..तीन phase मध्ये होणार बदली प्रक्रिया

📑 *जिल्हांतर्गत व आंतरजिल्हा शिक्षक बदली प्रक्रिया ही online होणार असून या बदल्या 3 Phase मध्ये होणार आहेत.*

➡️ *1) Phase 1: शिक्षक माहिती updation*

➡️ *2) Phase 2: आंतरजिल्हा बदली*

➡️ *3) Phase 3: जिल्हांतर्गत बदली*

*बदल्याबाबत Phase 1 लवकरच सुरू करण्यात येणार आहे. Phase 1 पूर्ण झाल्यानंतरच Phase 2 व 3 सुरू होईल.*

✳️ *Phase 1  मध्ये शिक्षकांच्या सेवा विषयक माहितीचे updation असल्यामुळे शिक्षकांना खालील प्रकारे प्रक्रिया करावी लागेल.*

*Phase 1 मध्ये शिक्षकांना त्यांचा मोबाईल नं व OTP ने लॉगीन करावं लागेल*

*तिथे आपणास शिक्षक माहिती चे दोन भाग दिसतील*

➡️ *1) Personal Information*

➡️ *i) Employee Information*

🖋️ *Personal Information*

♟️ *हि माहिती read only Mode मध्ये असेल तिथे आपणास कोणत्याही प्रकारचा बदल करता येणार नाही. ती माहिती फक्त आपण वाचू शकणार आहे*

♟️ *Employee information*  

♟️ *यामध्ये आपण आपली कार्यरत शाळेतील तपशील, एकूण सेवेचा तपशील ,तसेच इतर सेवे संबंधी माहिती बदलू शकतो किंवा नवीन add करू शकतो बरोबर असल्यास माहिती accept करावी. व त्रुटी दिसल्यास दुरुस्ती करावी व submit कटावी.*

♟️*संपूर्ण माहिती तपासून submit केल्यानंतर ही माहिती मान्यते करीता गटशिक्षणाधिकारी (BEO level) यांच्याकडे पाठविली जाईल* 

*गटशिक्षणाधिकारी (BEO) सेवापूस्तकांनुसार माहिती तपासून approved करतील. तसेच आलेली माहिती चूक आढळल्यास दुरूस्ती करतील.*

♟️ *सदर माहिती शिक्षक लाँगीन ला दिसेल. ती माहिती बरोबर असल्यास शिक्षकांनी accept करावी.*

♟️ *गटशिक्षणाधिकारी  (BEO ) यांनी दुरुस्त केलेली माहिती योग्य असल्यास Accept करावी. माहिती मान्य नसल्यास शिक्षक आपली माहिती मध्ये बदल करून EO कडे अपील करू शकतील.*

♟️ *शिक्षणाधिकारी ,(EO ) कडे आलेली माहिती, शिक्षणाधिकारी ,,(EO )योग्य पुराव्यानिशी माहिती approved किंवा बदल करतील.*

♟️ *अशाप्रकारे शिक्षणाधिकारी यांनी बदल केलेले शिक्षकांचे profile शिक्षक पुन्हा बदलू शकणार नाहीत* 

*ती माहिती  शिक्षकांना read only mode वर दिसेल शिक्षणाधिकारी (EO) नी मंजूर केलेली माहिती आता final असेल.*

♟️ *तसेच सर्व शिक्षकांची माहिती सुद्धा प्रत्येक शिक्षकांना आपल्या login मध्ये बघता येईल. एखाद्या शिक्षकांस दुसऱ्या एखाद्या शिक्षकांच्या माहिती मध्ये दोष दिसल्यास त्यांच्या विरोधात मुख्य कार्यकारी अधिकारी ( CEO ) कडे Social अपील करता येईल. मुख्य कार्यकारी अधिकारी ,(CEO ) योग्य पुराव्यानिशी सदर शिक्षकांच्या माहिती मध्ये योग्य बदल करतील.*

♟️ *अशा प्रकारे Phase 1 प्रत्येक शिक्षकांना दिलेल्या वेळेच्या आत पूर्ण करणे गरजेचे आहे.*

♟️*अंतिम दिनांक पर्यंत शिक्षकांनी आपली माहिती Accept न केल्यास गटशिक्षणाधिकारी  (BEO ) आपल्या अधिकाराचा वापर करून सर्व शिक्षकांची माहिती approved करतील. त्यांनंतर शिक्षकांना आपली माहिती update करण्याची संधी असणार नाही.*

♟️ *प्रत्येक क्षणी व प्रत्येक स्तरावर माहिती update करतांना OTP आवश्यक असणार आहे.*

♟️ *बदली प्रक्रियेत कुठल्या स्तरावर काय कसे बदल केले याची संपूर्ण माहिती शिक्षकांना email वर तसेच login मध्ये कळेल.*

♟️ *सन 2022 मधील जिल्हा परिषदेतील प्राथमिक शिक्षकांच्या आंतरजिल्हा व जिल्हांतर्गत बदल्या ह्या ऑनलाईन प्रणालीद्वारे करण्यात येणार आहेत.*

♟️*बदली प्रक्रियेमध्ये शिक्षक कार्यान्वित केलेल्या मोबाईल ॲप द्वारे किंवा कम्प्युटर सेंटर वरून माहिती भरू शकतील*

♟️ *अध्याप फक्त बदली प्रक्रियेतील Phase 1 संबंधित माहिती देण्यात आलेली आहे प्रत्यक्ष बदली प्रक्रिया ही वेळापत्रक जाहीर करून करण्यात येईल*

पोर्टलचे काम अपूर्णच ! प्राथमिक शिक्षकांच्या आंतरजिल्हा बदल्यांसाठी जुलै उजाडणार

नंदुरबार .... प्राथमिक शिक्षकांच्या आंतरजिल्हा बदल्या यंदा प्रथमच ऑनलाइन पध्दतीने होणार आहेत . त्यासाठी नवे पोर्टल तयार केले जात आहे . मागील दीड - दोन महिन्यांत या पोर्टलचे काम ७० टक्क्यांपर्यंतच झाल्याने शिक्षकांची बदली प्रक्रिया पूर्ण होण्यासाठी जुलै उजाडेल , अशी माहिती ग्रामविकास विभागातील वरिष्ठ सूत्रांनी दिली. शाळा सुरु होण्यापूर्वी शिक्षकांच्या बदल्यांची प्रक्रिया पूर्ण होते . पूर्वी ही प्रक्रिया ऑफलाइन होत असल्याने त्यात पारदर्शकता नसल्याचा अनेकदा आरोप झाला . त्यानंतर ग्रामविकास मंत्री हसन मुश्रिफ यांनी शिक्षकांची बदली प्रक्रिया ऑनलाइन करण्याचा निर्णय घेतला. कोरोनामुळे शाळा बंद होत्या , त्यामुळे त्यासंदर्भातील कार्यवाही झाली नाही. शाळा सुरु होताच पोर्टल निर्मितीची तयारी सुरु होणे अपेक्षित होते , पण त्यासाठी विलंब लागला . त्याचवेळी ' एनआयसी'ने पोर्टलचे काम करण्यास नकार कळविला . त्यानंतर नवीन खासगी संस्था नेमण्यात आली . आता सरकारकडून त्या कंपनीला सर्व डेटा देण्यात आला असून अजूनही ३० टक्के काम राहिलेले आहे . त्यामुळे शिक्षकांची प्राथमिक माहिती भरणे ( नियुक्ती दिनांक , जन्म दिनांक , जात प्रवर्ग , शाळा , जिल्हा , बदली कुठे पाहिजे ज्याची माहिती ) अपेक्षित आहे . सध्या पोर्टल अर्धवट स्थितीत असल्याने संबंधित शिक्षणाधिकाऱ्यांकडेच ती माहिती ऑफलाइन द्यावी लागत आहे . पोर्टलचे काम पूर्ण झाल्यानंतर संबंधित शिक्षकांच्या बदलीसंदर्भात दोन्ही जिल्ह्यातील मुख्य कार्यकारी अधिकाऱ्यांचे ना हरकत प्रमाणपत्र घेतले जाते आणि त्यानंतर ऑनलाइन पध्दतीने त्या शिक्षकांच्या बदल्या होतील . ही प्रक्रिया पूर्ण व्हायला अंदाजित दोन महिने लागतील , असेही सूत्रांनी सांगितले. राज्यातील शाळा १३ जून रोजी सुरु होणार आहेत . तत्पूर्वी , बदल्यांची प्रक्रिया पूर्ण होणे अपेक्षित होते . पण , पोर्टलचे काम अजूनही अर्पणच असल्याने ३० जूनपर्यंत शिक्षकांच्या बदल्या होतील , असे ग्रामविकास विभागाने स्पष्ट केले आहे . प्रत्यक्षात बदल्यांची प्रक्रिया पूर्ण होण्यासाठी जुलै उजाडेल , अशी सद्यस्थिती आहे . या पार्श्वभूमीवर ( बुधवारी ) ग्रामविकास मंत्री हसन मुश्रिफ व शिक्षण मंत्री वर्षा गायकवाड यांची अधिकाऱ्यांसमवेत बैठक होणार आहे . गड्या आपली मराठी शाळाच बरी ! झेडपी , महापालिका शाळांचा वाढली पटसंख्या शिक्षक बदल्यांचे टप्पे ... - पोर्टलचे काम अपूर्ण असल्याने ३१ मेऐवजी बदल्यांसाठी ३० जूनपर्यंत मुतदवाढ - पोर्टलचे काम पूर्ण झाल्यानंतर शिक्षकांना ८-१० दिवसांत भरावी लागणार वैयक्तिक माहिती - दरवर्षी अंदाजित अडीच लाख शिक्षक करतात आंतरजिल्हा बदलीसाठी अर्ज - जात प्रवर्गानुसार रिक्त जागांबाबत मुख्य कार्यकारी अधिकाऱ्यांचे घ्यावे लागते ना हरकत प्रमाणपत्र - एकाच जिल्ह्यात तीन ते पाच वर्षांपर्यंत काम केलेले शिक्षकच बदल्यांसाठी पात्र.

आडगाव येथे शाळापूर्व तयारी मेळावा उत्साहात संपन्न

जिल्हा शिक्षण व प्रशिक्षण संस्था नंदुरबार अंतर्गत आज दिनांक 18 एप्रिल 2022 रोजी शहादा तालुक्यातील जिल्हा परिषद शाळा आडगाव येथे शाळापूर्व तयारी मेळावा संपन्न झाला आहे.या मेळाव्याचे अध्यक्ष काळूसिंग ठाकरे शाळा व्यवस्थापन समिती अध्यक्ष,प्रमुख पाहुणे म्हणून सरपंच नुराताई पवार, मोहनदादा पवार,ज्येष्ठ नागरिक मुळासिंग ठाकरे ,पोलीस पाटील गौतम खर्डे, पिरामल फाऊंडेशन चे तालुका समन्वयक रमेश जायनाकर, अंगणवाडी सेविका चंद्रकला खर्डे, शिला रावताळे,स्वयंसेवक म्हणून सहदेव पवार,दिनेश पवार,संगीताताई तडवी,किरण पावरा,वासुदेव पवार, सत्तरसिंग मुसळदे हे लाभले होते.या मेळाव्याचे सूत्रसंचालन शिक्षक किसन वसावे यांनी केले.सुरवातीला गावात जनजागृतीसाठी विद्यार्थ्याची रॅली काढण्यात आली होती.या रॅली मध्ये विद्यार्थ्यानी वेगवेगळ्या जयघोषना दिल्या जसे की,6 वर्षाचे प्रत्येक मूल शाळेत आलेच पाहिजे आलेच पाहिजे,शेतीला पिकवू मुलीला शिकवू,शिक्षण शिक्षण कशासाठी आपल्या सर्वांच्या भल्यासाठी इत्यादी.रॅली नंतर प्रमुख मान्यवरांच्या हस्ते शाळापूर्व तयारी मेळाव्याचे फित कापून उद्घाटन करण्यात आले आणि नवीन विद्यार्थ्यांचे स्वागत करण्यात आले.या मेळाव्यात स्टॉल प्रमाणे कार्यवाही करण्यात आली आहे.त्यात नाव नोंदणी,शारीरिक विकास,बौद्धिक विकास,सामाजिक व भावनिक विकास,भाषा विकास, गणन पूर्व तयारी,पालकांना उपक्रम साहित्य वाटप व मार्गदर्शन इत्यादी स्टॉल लावण्यात आले होते.या मेळाव्याचे आकर्षण म्हणजे यात सेल्फी पॉइंट लावण्यात आला होता.नवीन प्रवेश घेणाऱ्या विद्यार्थ्यानी त्यात स्वतःचे फोटो काढले तसेच ससा कार्टून मास्क, टोपी हे सुध्दा आकर्षणाचे केंद्रबिंदू होते.मेळाव्यात प्रमुख पाहुण्यांनी आपले मनोगत व्यक्त केले व विद्यार्थ्यांना शुभेच्छा दिल्या.तसेच प्रमुख पाहुण्यांनी विद्यार्थ्यांना शालेय साहित्य वाटप केले.शेवटी आभार प्रदर्शन शिक्षक विनोद पाचपोळे यांनी केले.या सर्व कार्यक्रमाला शालेय विद्यार्थी,सर्व शाळा व्यवस्थापन समिती सदस्य,ग्रामपंचायत सदस्य व ग्रामस्थ उपस्थित होते.या मेळाव्याला मा. डॉ. श्री योगेश जी सावळे,केंद्रप्रमुख एल. एन.भावसार यांचे सहकार्य आणि मार्गदर्शन लाभले आहे आणि हा मेळावा यशस्वी करण्यासाठी जिल्हा परिषद शाळा आडगाव चे मुख्याध्यापक दिलीप पावरा,शिक्षक किसन वसावे,पंडित बारगीरे, धरमसिंग वसावे,विनोद पाचपोळे , पिरामल फाऊंडेशन चे रमेश जायनाकर यांनी परिश्रम घेतले.